સીધી સાદી સમજણ વચ્ચે જીવું છું હું
જીવતરના એક વળગણ વચ્ચે જીવું છું હું
.
રોજ હું મારી જાતને એમાં જોતો રહું છું
એક મજાના દર્પણ વચ્ચે જીવું છું હું
.
મેલો-ઘેલો એટલે હું લાગું છું શાયદ
આપના પગની રજકણ વચ્ચે જીવું છું હું
.
ઉબડખાબડ રસ્તા વચ્ચે ચાલે ગાડું
ડગલે-પગલે અડચણ વચ્ચે જીવું છું હું
.
શબ્દોની છે ભીંત છાપરું શબ્દોના દરવાજા
શબ્દોના ઘર આંગણ વચ્ચે જીવું છું હું
.
રોજ કવિતા સપનામાં પણ મળવા આવે
એક મુલાયમ સગપણ વચ્ચે જીવું છું હું
.
પળ પળ ખ્યાલ હું રાખું છું આ તાલમેલનો
‘હમદમ’ ધારાધોરણ વચ્ચે જીવું છું હું
.
( તુરાબ ‘હમદમ’ )
મોરપીંછ 
તુરાબભાઈની ઘડીયાળનાં કાંટાની જેમ ટક ટક – ટકોરાબંધ ગઝલ.
ખૂબજ સરસ ભાવ જળવાયો છે
-અભિનંદન.
LikeLike
તુરાબભાઈની ઘડીયાળનાં કાંટાની જેમ ટક ટક – ટકોરાબંધ ગઝલ.
ખૂબજ સરસ ભાવ જળવાયો છે
-અભિનંદન.
LikeLike
તુરાબભાઈની ઘણિ સરસ ગઝલ!રોજ કવિતા સપનામા મળવા આવે..એ લાઇન ગમી ગઈ
સપના
LikeLike
તુરાબભાઈની ઘણિ સરસ ગઝલ!રોજ કવિતા સપનામા મળવા આવે..એ લાઇન ગમી ગઈ
સપના
LikeLike