સંતનો શબ્દ શું કર્ણ-પડદે પડ્યો,
ઊઘડ્યાં સામટાં બંધ બારાં.
ફોડીને પહાડ-શી છાતીમાંથી ફૂટ્યાં
નીર પાતાળનાં મિષ્ટ-ખારાં.
.
ઘમઘમે ઘૂઘરા ગુરુ તણા ભાંખરે,
આંખ સામે ઊભા દેવ દત્તાત્રય !
નાથ ત્રિલોકનો, ચૌદ બ્રહ્માંડનો
આંગણે આપણા ઝંખતો આશ્રય.
.
પ્રાણ તો બંસરી; ગાત્ર ગોકુળ બન્યાં,
મ્હોરી ઊઠ્યાં મને કૈંક વૃંદાવન.
હું રહ્યો નહીં; તું નહીં ‘તે’ રહ્યો-
આ ક્ષણે આપણે બેઉ શ્રાવણ !
.
કોણ જાણે કઈ ટૂંકથી નીસરી
ઊતરે ચિત્તમાં ફક્ત તારું સ્મરણ;
એક પળમાં બન્યું એવું તે શું ભલા ?
કૃષ્ણનું થૈ ગયું પૂર્ણ મીરાંકરણ !
.
( કેશુભાઈ દેસાઈ )
સરસ ભક્તિ ગીત.
સપના
સરસ ભક્તિ ગીત.
સપના