દેહથી દૂર જઈ ચઢાયું છે,
સાવ હળવા બની જવાયું છે.
.
રાત ઊભી છે હોઠ સીવીને,
સાવ કાચું કશું કપાયું છે.
.
દોસ્ત તેં પથ્થરો ફેંક્યા,
આમ પણ પાણી તો મપાયું છે.
.
આંખ પડદા ન બાંધ આંસુના,
એ જ વંચાય જે લખાયું છે.
.
આવ કે આંખ ઓળખે કાંઠો,
થઈ તણખલું ફક્ત તરાયું છે.
.
રોજ પહેરી નવાં નવાં પહેરણ,
એક ભાંગ્યો ભરમ થવાયું છે.
.
એટલે તો ગઝલ લખે ‘રાજ્જા’,
ક્યાં કદી પણ તને મળાયું છે.
.
( રાજેશ વ્યાસ ‘મિસ્કીન’ )
sundar gazal! miskin saaheb ni sundar gazalo lai aavo chho aap!
sundar gazal! miskin saaheb ni sundar gazalo lai aavo chho aap!