આજકાલ દરેક ક્ષણ વીતી રહી છે સ્વપ્નવત
કેટલીયે વાત અમે એમ જ કહી છે સ્વપ્નવત
.
આંખ આ નિહાળતી ટેવવશ હવે સતત
દ્રશ્યો પણ બદલાઈ ગયાં છે પરવશ હવે સતત.
.
નજરુંની સૂની સૂની નદી વહી છે સ્વપ્નવત
આજકાલ દરેક ક્ષણ વીતી રહી છે સ્વપ્નવત
.
કોણ કોને સંભારતું ને કોણ કોને પૂછતું ?
કોઈ આવીને હવે આ અશ્રુ એક્કે લૂછતું ?
.
રાતોની રાતો અહીં એમ જ વહી છે સ્વપ્નવત
આજકાલ દરેક ક્ષણ વીતી રહી છે સ્વપ્નવત
.
લાગણી પણ આજકાલ લાગે હવે તો અર્થહીન
ને ઈચ્છાઓ સામટી જાગે હવે તો અર્થહીન
.
ઉદાસીના ખત ઉપર કરી સહી છે સ્વપ્નવત
આજકાલ દરેક ક્ષણ વીતી રહી છે સ્વપ્નવત
.
( લાલજી કાનપરિયા )
લાલજીભાઈ રડો નહી. આ તો શુભ ઘડી છે જો ખબર પડે કે બધું સ્વપ્નવત થઈ રહ્યું છે. બાકી તો ૯૯.૯૯% લોકોને ખબર જ પડતી નથી અને આખું જીવન સ્વપ્નવત વહ્યું જાય છે. આજ ની ઘડી રળિયામણી.
લાલજીભાઈ રડો નહી. આ તો શુભ ઘડી છે જો ખબર પડે કે બધું સ્વપ્નવત થઈ રહ્યું છે. બાકી તો ૯૯.૯૯% લોકોને ખબર જ પડતી નથી અને આખું જીવન સ્વપ્નવત વહ્યું જાય છે. આજ ની ઘડી રળિયામણી.