ચારે બાજુ ભટકે મન તો ચારે બાજુ ભટકે
થોડું દોડે થોડું ચાલે, થોડું છોડે થોડું ઝાલે
ને અધવચ્ચે અટકે – ચારે બાજુ
.
મનનો એવો સ્વભાવ, એને ડંખે અભાવ;
એનો અખૂટ ખાલીપો, કાયમ ઝંખે પ્રભાવ;
અધકચરો આધાર મળે તો આખેઆખું લટકે – ચારે બાજુ
.
મન તો આખો દિવસ, માલિક માટે દોડે;
મુક્તિ એને મળી જાય, જો માલિકને છોડે;
પંજો એનો, પક્કડ એની, ને તોયે ના છટકે – ચારે બાજુ
.
( શ્યામલ મુનશી )
અધકચરો આધાર મળે તો આખે આખું લટકે ….
વાહ, ક્યા બાત હૈ…
અધકચરો આધાર મળે તો આખે આખું લટકે ….
વાહ, ક્યા બાત હૈ…