પ્રશ્ન પૂછો કે ન પૂછો ફેર કૈં પડતો નથી,
સહેજ અથવા સાવ ઝૂકો ફેર કૈં પડતો નથી.
.
આજ સુકાઈ ગયું છે એ સુગંધોનું સરોવર,
ફૂલ ચૂંટો કે ન ચૂંટો ફેર કૈં પડતો નથી.
.
સાવ લાગે છે બધિર લોકો નગરના આ બધા,
ચીસ પાડો કે ટહુકો ફેર કૈં પડતો નથી.
.
છેક તળિયેથી તૂટેલો છે ઘડો સામે ભર્યો,
હોય આખો કે અધૂરો ફેર કૈં પડતો નથી.
.
કોઈ મીઠો આવકારો ના મળે તો સાવ સામે,
આંખ હો કે હો ઝરૂખો ફેર કૈં પડતો નથી.
.
( નીતિન વડગામા )
ફેર કંઈ પડતો નથી…સાચે જ…હવે કંઈ જ ફેર પડતો નથી…!!!
ફેર કંઈ પડતો નથી…સાચે જ…હવે કંઈ જ ફેર પડતો નથી…!!!
કવિ મિત્રશ્રી નીતિનભાઇની આગવી શૈલીની,સુંદર રદિફ અને કાફિયાથી મઢી સરસ ગઝલ.
કવિ મિત્રશ્રી નીતિનભાઇની આગવી શૈલીની,સુંદર રદિફ અને કાફિયાથી મઢી સરસ ગઝલ.