તમે આવી ગયા ? ઘણું સારું થયું,
આંખ્યોનું મન સાવ મોળું હતું,
ચલો એ બહાને થોડુંક તો ખારું થયું !
તમે આવી ગયા ?
.
તમે આવ્યા તો પાંપણમાં ઝળહળ થયું,
જાણે સૂરજનું હોવું એ ઝાકળ થયું,
કોઈ અક્ષર થયું કોઈ કાગળ થયું,
હતું પથ્થર એ પળભરમાં ખળખળ થયું,
તમે ન્હોતા ને એમાં અંધારું થયું !
તમે આવી ગયા ?
.
તમે આવો ઝુરાપો શું કામે સહો ?
તમે આંખ્યોથી અળગા શું કામે રહો ?
હવે આવી ગયા છો તો ધીમે વહો,
જરા માંડીને ભીની બે વાતો કહો,
લ્યો આ કીકીનું ઘર એ તમારું થયું !
તમે આવી ગયા ?
.
( કૃષ્ણ દવે )
હા આખરે તમારી ઘણા વર્ષોની પ્રતીક્ષા આગળ હારી ને મારે આવવું જ પડ્યું…!
હા આખરે તમારી ઘણા વર્ષોની પ્રતીક્ષા આગળ હારી ને મારે આવવું જ પડ્યું…!