હોમ બોલશે – સુધીર પટેલ
જ્યાં જ્યાં તમે પગલાં કરો એ ભોમ બોલશે,
તારા-ગગનની સાથ, સૂરજ-સોમ બોલશે !
.
ચૂપકી તમે સાધી ભલે, પણ વાત નહિ બને;
છે જેટલાં તન પર, બધાં એ રોમ બોલશે !
.
કરશે અવળચંડાઈ શબ્દો જે ઘડી હવે,
લૈ હાથ બાજી, નાદ ઊઠશે, ઓમ બોલશે !
.
ઊઘડી રહી છે આ ગઝલ પણ જો ધીરે ધીરે,
વાતાવરણ ખીલશે, સ્તવન ને સ્તોમ બોલશે !
.
તું રાખજે તૈયાર તારી જાતને ‘સુધીર’,
તો થૈ જવાશે હવ્ય જ્યાં એ હોમ બોલશે !
.
( સુધીર પટેલ )
સરસ રચના..
સરસ રચના..
સરસ રચના..