મને ગમે છે – દિલીપ જોશી
.
કિલ્લોલ થઈ ગયેલો અવસર મને ગમે છે;
જ્યાં બાળકો રમે છે એ ઘર મને ગમે છે.
.
એને મળ્યો નથી પણ ભવભવથી ઓળખું છું,
રુદિયે સમાઈ જાતા એ સ્વર મને ગમે છે.
.
સાથે તું હોય ત્યારે સઘળું મને ગમે છે,
ધરતી મને ગમે છે અંબર મને ગમે છે.
.
દર્શનની પ્યાસ જેમાં શું થાક લાગે એમાં,
તારી ગલી સુધીના ચક્કર મને ગમે છે.
.
વાદળ નથી છતાંયે કૈં ગાજવીજ કરતી,
નજરોથી એ નજરની ટક્કર મને ગમે છે.
.
જેનાથી હું ઘડાયો, ને નામ પણ કમાયો,
આ જિંદગીના રસ્તે ઠોકર મને ગમે છે.
.
સંજોગ આજ એના છે સુંદરી થવાના
શિલ્પીનેહાથ આવ્યો પથ્થર મને ગમે છે.
.
( દિલીપ જોશી )
હિનાબેન,
દર્શનની પ્યાસ જેમાં, શું થાક લાગે એમાં,
તારી ગલીના ચક્કર મને ગમે છે….
દિલીપભાઈની ‘મને ગમે છે’ ખૂબજ સુંદર રચના શેર કરવા બદલ ધન્યવાદ …
હિનાબેન,
દર્શનની પ્યાસ જેમાં, શું થાક લાગે એમાં,
તારી ગલીના ચક્કર મને ગમે છે….
દિલીપભાઈની ‘મને ગમે છે’ ખૂબજ સુંદર રચના શેર કરવા બદલ ધન્યવાદ …