.
ટક-ટકા-ટકટક સતત અવરોધ બનતું જાય છે
કોક મારામાં જ લક્કડખોદ બનતું જાય છે
.
કોઈ નાજુક લય-નીતરતી ઊર્ધ્વ-મુદ્રાઓ ત્યજી
શાંત જલ-સિકરો મટીને ધોધ બનતું જાય છે
.
કોઈ રગ-રગમાં જટાયુ જેમ તરફડતું રહે
કોઈ નસ-નસમાં સીતાની શોધ બનતું જાય છે
.
હું નચિકેતા નથી, અર્જુન કે આનંદ પણ
કોઈ અનહદ પારનો કાં બોધ બનતું જાય છે
.
કોઈ રમતું કંકુમાં ને કોઈ ઢળતું સ્યાહીમાં
કોઈ અવસર, કોઈ મૃત્યુ-નોંધ બનતું જાય છે
.
( સુરેન્દ્ર કડિયા )
ઈતિહાસના ઉદાહરણો દ્વારા વર્તમાન પરિસ્થિતિનું તાદ્દશ આલેખન…સરસ ગઝલ છે.
ઈતિહાસના ઉદાહરણો દ્વારા વર્તમાન પરિસ્થિતિનું તાદ્દશ આલેખન…સરસ ગઝલ છે.
છેલ્લો શેર ખૂબજ પસંદ આવ્યો…સરસ ભાવ સાથેના શેરો..
છેલ્લો શેર ખૂબજ પસંદ આવ્યો…સરસ ભાવ સાથેના શેરો..