.
ઘર ન જાણે એવું કંઈ કરતી અગાસી
ચાંદ પર ચોરી-છૂપી મરતી અગાસી !
.
સાંજ થાતાં રોજ નીખરતી અગાસી
ને સૂરજના તેજથી ડરતી અગાસી !
.
તારલાઓ રાતભર ગણતી અગાસી
ને સવારે ફૂલ-શી ખરતી અગાસી !
.
દેખ કેવાં ફૂલ બેઠાં વેલ પર આ
દ્રશ્ય ભીનાં આંખમાં ભરતી અગાસી
.
હોઠ પર જ્યારે ગઝલ હોઠો લખે છે
લાગતી ત્યારે તો મધઝરતી અગાસી
.
એકલી છું હું અને આ ઓરડો છે
ઓરડામાં ડોકિયાં કરતી અગાસી!
.
( ગાયત્રી ભટ્ટ )
અગાસી ના માધ્યમ દ્વારા અનેક્ કાર્યો તેના દર્શાવ્યા.. ખૂબજ સુંદર રચના !
અગાસી ના માધ્યમ દ્વારા અનેક્ કાર્યો તેના દર્શાવ્યા.. ખૂબજ સુંદર રચના !