.
નહિ કાંઈ ચાલે ચલણને કહી દો,
ગમે તેવા જક્કી વલણને કહી દો.
.
બહુ તેજ રફતાર છે જિંદગીની,
હવે પગ ઉપાડે ચરણને કહી દો.
.
કવિતા ગમે ત્યારે પ્રગટી શકે છે,
ગુલાબી આ વાતાવરણને કહી દો.
.
બહુ પારદર્શક છે દ્રષ્ટિ અમારી,
ભરખી જશે આવરણને કહી દો.
.
વધી છે બહુ ભીડ વૃદ્ધાશ્રમોની,
ચિંતા કરે નહિ શ્રવણને કહી દો.
.
તને ભૂલવાની કોશિશ કરું છું,
ટોળે વળે નહિ સ્મરણને કહી દો.
.
‘હમદમ’ એક મિસ કોલ મારીને આવે,
ઉતાવળ નથી કંઈ મરણને કહી દો.
.
( તુરાબ ‘હમદમ’)
હિનાબેન,
તુરાબ હમદમ ની ખૂબજ સુંદર અને માર્મિક્ભાવ સાથેની રચના !
હિનાબેન,
તુરાબ હમદમ ની ખૂબજ સુંદર અને માર્મિક્ભાવ સાથેની રચના !
Nice One
Nice One
Realy a good gazal.Turab Hamdam ji ko badhai.Aap ko dhanyavaad.
Realy a good gazal.Turab Hamdam ji ko badhai.Aap ko dhanyavaad.