જઈશું શોધવા એને, સનમ નહીં જો મળે,
અહીં જ આવીશું પાછા-પરમ નહીં જો મળે.
,
સ્મરણમાં આપના હું જ્યારે જાઉં છું ત્યારે,
સતત રહે છે મને ભીતિ-ભરમ નહીં જો મળે !
,
ભવિષ્ય આખું તમે તો મુલતવી રાખ્યું છે,
બગડશે બેય, ફરીથી જનમ નહીં જો મળે
,
ટકોરા મારે છે એ ખૂબ આપતાં પહેલાં,
શું મેળવીશું, ફૂટેલાં કરમ નહીં જો મળે
,
દુકાનદારી સજાવી છે સ્થાનકોએ અહીં,
ન નાસીપાસ થતાં, ત્યાં ધરમ નહીં જો મળે !
.
( શોભિત દેસાઈ )
સરસ !
સરસ !
સુંદર રચના!
સુંદર રચના!