કેવું અદ્દભુત ધારેલું !
એક ધોધ, એક બગીચો, એક પહાડને
મારા તાબામાં રાખીશ, પાળીને રાખીશ
નળની ધારમાં, ફૂલદાનીમાં, કાગળની ગોઠવણીમાં
કંઈ વાંધો નહીં આવે, બધું સહજ બનશે
આવું જ કંઈક ધારેલું, કેવું અદ્દભુત !
.
કેવી વાતો ધારેલી ! કંઈ કંઈ વિચારેલું !
એક પુરુષ, કોમળ દ્રષ્ટિ સભર, એક દીકરો,
આ બધાને પ્રેમની-ચાહનાની શક્તિએ બાંધીશ
પોતીકું સુખ, છાનુંછપનું સ્વર્ગ, શાંતિનું ઘર સહજ ઘડીશ.
આવું જ કંઈક ધારેલું,
કેવું કેવું ધારેલું !
.
( કવિતા સિંહ, અનુ. નલિની માડગાંવકર )