.
મણકા સમી જ એને વિખેરી શકાય છે,
ઈચ્છાઓ જળની જેમ ઉલેચી શકાય છે !
.
આવો તરસને આંખનું ઉપનામ આપીએ,
મૃગજળ સમું કહે છે – સમેટી શકાય છે !
.
નિર્મમપણાની ભીંત ઉપર આવું કૈં લખો,
‘આ શૂન્યતાઓ દૂર ખસેડી શકાય છે!’
.
વસ્ત્રો સમા દિવસ તમે ફેંકી શકો નહીં,
હા, એટલું ખરું કે પહેરી શકાય છે!
.
એકાદ ચિંતા ફૂલની માફક ચૂંટી જુઓ,
લિપિ ઘણી ય ઊંધી ઉકેલી શકાય છે!
.
( શ્યામ સાધુ )
સુંદર રચના !
સુંદર રચના !
its a wonderful Creation……!!!
its a wonderful Creation……!!!