દરેક પુરુષમાં છૂપાયેલો હોય છે
એક સિદ્ધાર્થ…
સંસારની જટિલતાથી
બહાર નીકળીને
ફક્ત પોતા માટે જીવવા ઈચ્છતો
સિદ્ધાર્થ !
કેટલું સહેલું છે
અર્ધરાત્રિના અંધકારની આડમાં
પોતાની કાયરતાને
મહાભિનિષ્ક્રમણ માની લેવું !
જાણે છે,
મેં પણ જોયો છે
તારી આંખોમાં
કેટલીય વાર એ સિદ્ધાર્થને !
કદાચ આથી જ
સૂઈ નથી શકતી
નિશ્ચિંત થઈ
તારા સુદ્રઢ ખભા પર
જ્યારેય પળ બે પળ
ટેકવું છું માથું
તો એ જ ક્ષણે
ભીતરથી ઊઠે છે ચીસ
નહીં યશોધરા,
અસત્ય છે આ આશ્વાસન !
તારે સજગ સચિંત રહેવાનું છે
હર પળ, હર દિન
ક્યારેય આશ્વસ્ત નથી થવાનું
આ આલિંગનની સુરક્ષા
ભ્રમ સિવાય કશું નથી
અને પછી
ખુદ કરી લઉં છું
સમજૂતી
નિયતિના ષડયંત્ર સાથે.
મારા સિદ્ધાર્થ
શું તું જાણે છે
મારી ભિક્ષા વિના
અધૂરું છે તારું બુદ્ધત્વ ?
.
( માલા કાપડિયા )
સુંદર રચના !
સુંદર રચના !
superb…
superb…