મારો સમય તમારી પ્રતીક્ષા બની ગયો
હું તો હજી ઊભો જ છું રસ્તો વહી ગયો
એથી તો મારા લોહીમાં લીલી વ્યથા વહે
ગુલમ્હોરને હું આંસુની સાથે જ પી ગયો
તારા સ્મરણની એક ક્ષણ ટહુકી ઊઠી અને-
ઘરની સફેદ ભીંત પર થાપો પડી ગયો
મારું બયાન એ રીતે કીધું નદી સમક્ષ
એક ખાલી નાવ સોંપીને, પાછો ફરી ગયો
અગ્નિપરીક્ષામાંથી તો થઈ ગઈ પસાર પણ
આ મારી લાગણીને ધુમાડો નડી ગયો.
( હર્ષદ ત્રિવેદી )
wah wah shu kavita chhe , r’dayma sosarvi
asar kari gai.
chandra.
wah wah shu kavita chhe , r’dayma sosarvi
asar kari gai.
chandra.