હવે તો હાથ પણ થાક્યા

Posted on by

તિમિરથી તેજ ટકરાવી હવે તો હાથ પણ થાક્યા

દીવાઓ નિત્ય પ્રગટાવી હવે તો હાથ પણ થાક્યા

.

મને લાગે છે ક્ષમતા ખોઈ બેઠા છે એ ખૂલવાની

સતત આ બાર ખખડાવી હવે તો હાથ પણ થાક્યા

.

રહી છે વાંઝણી આ આપણાં સપનાંઓની ક્યારી

બિયારણ રોજ ત્યાં વાવી હવે તો હાથ પણ થાક્યા

.

અભિગમ આક્રમક એનો રહ્યો છે હર સમસ્યામાં

ધજાઓ શ્વેત ફરકાવી હવે તો હાથ પણ થાક્યા

.

ગમે ત્યાંથી કલમ પર નામ આવી જાય છે એનું

શકું ના એને અટકાવી હવે તો હાથ પણ થાક્યા

.

( ઉર્વીશ વસાવડા )

14 thoughts on “હવે તો હાથ પણ થાક્યા”

  7. ઉર્વીશભાઈની જાનદાર ગઝલ લાવ્યા હીનાબેન,
    નખશિખ ગઝલમાં રદિફ અને કાફિયા જે રીતે એકરસ થયા છે, કવિની સિદ્ધહસ્તતા ઉડીને આંખે વળગે છે….
    -અભિનંદન.

    Like

    Reply ↓

  8. ઉર્વીશભાઈની જાનદાર ગઝલ લાવ્યા હીનાબેન,
    નખશિખ ગઝલમાં રદિફ અને કાફિયા જે રીતે એકરસ થયા છે, કવિની સિદ્ધહસ્તતા ઉડીને આંખે વળગે છે….
    -અભિનંદન.

    Like

    Reply ↓

  9. છેલ્લી પંક્તિઓ અસરકારક અને સપનાના બિયારણની વાત ગમી ગઈ!સુંદર ગઝલ ઉર્વીશભાઈની!!
    સપના

    Like

    Reply ↓

  10. છેલ્લી પંક્તિઓ અસરકારક અને સપનાના બિયારણની વાત ગમી ગઈ!સુંદર ગઝલ ઉર્વીશભાઈની!!
    સપના

    Like

    Reply ↓

  11. વાહ .. મજાની ગઝલ.. ઉર્વીશભાઈની સાથે હીનાબેનને પણ ધન્યવાદ.

    બીજા શેરમાં સતત આ બાર ખખડાવીને બદલે સતત આ દ્વાર ખખડાવી એમ હોવું જોઈએ.

    Like

    Reply ↓

  12. વાહ .. મજાની ગઝલ.. ઉર્વીશભાઈની સાથે હીનાબેનને પણ ધન્યવાદ.

    બીજા શેરમાં સતત આ બાર ખખડાવીને બદલે સતત આ દ્વાર ખખડાવી એમ હોવું જોઈએ.

    Like

    Reply ↓

Leave a reply to Pancham Shukla Cancel reply