સૂર્યમાં ભીનાશ બાકી છે હજુ
છેક ઊંડે પ્યાસ બાકી છે હજુ
.
વન બળીને રાખ જેવું થઈ ગયું
હું હતો ત્યાં ઘાસ બાકી છે હજુ
.
રોજ મળનારાં બધાં આવી ગયાં
એક માણસ ખાસ બાકી છે હજુ
.
રેડ જલ્દી જળગઝલ મોમાં જરા
સાવ છેલ્લો શ્વાસ બાકી છે હજુ
.
આખરે પહોંચી જઈશ તારા સુધી
આખરી પ્રયાસ બાકી છે હજુ
.
( ત્રિલોક મહેતા )
વન બળીને રાખ જેવું થઇ ગયું
હું હતો ત્યાં ઘાસ બાકી છે હજુ
રોજ મળનારા બધા આવી ગયા
એક માણસ ખાસ બાકી છે હજુ..
દરેક શેર પસંદ આવ્યા.
વન બળીને રાખ જેવું થઇ ગયું
હું હતો ત્યાં ઘાસ બાકી છે હજુ
રોજ મળનારા બધા આવી ગયા
એક માણસ ખાસ બાકી છે હજુ..
દરેક શેર પસંદ આવ્યા.