તપતો સૂરજ ખિસ્સે રાખી, ચાલી નીકળો,
ખુદનો પડછાયો ઉપાડી, ચાલી નીકળો !
.
કિનારા તોડીને દરિયા ઉમટશે સામટા,
મુઠ્ઠીમાં પૂનમને દાબી, ચાલી નીકળો !
.
લ્હેરાતાં ઉગશે ખેતર ત્યાં ઈન્દ્રધનુષનાં,
સૂકી ભોંમાં, સપનાં વાવી ચાલી નીકળો !
.
ચોગરદમ ઘુમશે મોસમ વાસંતી, શોધવા-
ટહુકાઓ કંઠે છૂપાવી ચાલી નીકળો
.
વીંધ્યે રાખો પોતીકાં અઢળક આકાશને,
વરસાદી યાદોને ચાખી, ચાલી નીકળો !
.
( છાયા ત્રિવેદી )
સરસ ગઝલ.
સુક્કી ભોં માં સપના વાવી ચાલી નીકળો….વાહ!
-અભિનંદન.
સરસ ગઝલ.
સુક્કી ભોં માં સપના વાવી ચાલી નીકળો….વાહ!
-અભિનંદન.
વાહ! સરસ ગઝલ!! ચાલતો જ રહેજે!!
સપના
વાહ! સરસ ગઝલ!! ચાલતો જ રહેજે!!
સપના