ચાલી નીકળો – છાયા ત્રિવેદી

Posted on by

તપતો સૂરજ ખિસ્સે રાખી, ચાલી નીકળો,

ખુદનો પડછાયો ઉપાડી, ચાલી નીકળો !

.

કિનારા તોડીને દરિયા ઉમટશે સામટા,

મુઠ્ઠીમાં પૂનમને દાબી, ચાલી નીકળો !

.

લ્હેરાતાં ઉગશે ખેતર ત્યાં ઈન્દ્રધનુષનાં,

સૂકી ભોંમાં, સપનાં વાવી ચાલી નીકળો !

.

ચોગરદમ ઘુમશે મોસમ વાસંતી, શોધવા-

ટહુકાઓ કંઠે છૂપાવી ચાલી નીકળો

.

વીંધ્યે રાખો પોતીકાં અઢળક આકાશને,

વરસાદી યાદોને ચાખી, ચાલી નીકળો !

.

( છાયા ત્રિવેદી )

4 thoughts on “ચાલી નીકળો – છાયા ત્રિવેદી”

Leave a reply to sapana Cancel reply