જે થવાનું હોય છે એ તો થવાનું હોય છે
સંકેતમાં સમજી જવાનું હોય છે.
.
આપણી દ્રષ્ટિની ખામી હોય છે
નામ કેવળ ઝાંઝવાનું હોય છે.
.
અંજળ-પાણી આપણાં ખૂટી ગયાં
મોત તો કેવળ બહાનું હોય છે.
.
સાફસૂથરું લાગશે જીવન પછી
મનને થોડું માંજવાનું હોય છે.
.
ભેદ ઉપરથી નથી મળતો કદિ
તળિયે જઈને તાગવાનું હોય છે.
.
દોડો, સફળતા હાથવેંતમાં હશે
જે તરફ આ રૂખ હવાનું હોય છે.
.
‘હમદમ’ કવિતા જો કદિ રૂઠે જરા
રાત આખી જાગવાનું હોય છે.
.
( તુરાબ ‘હમદમ’ )
સુંદર રચના !
સુંદર રચના !