દર્દની ટોચે તવાઈ છે મીરાં,
આંસુની ઊંડી જ ખાઈ છે મીરાં.
.
એક મીરાંના દરદને જોખવા,
કૃષ્ણના પલ્લે બંધાઈ છે મીરાં.
.
એક હરિવરની છબી છે ભીતરે,
કેટલાં વર્ષે મઢાઈ છે મીરાં.
.
સુક્કુભઠ મેવાડ છોડી ઘલવલે,
શ્યામ ચોમાસે ભીંજાઈ છે મીરાં.
.
દેહ રૂપી છોડશે મેવાડને,
શ્યામ સંગે વીંટળાઈ છે મીરાં.
.
સ્મૃતિનું મેવાડ ફેંકી શેરીમાં,
જાતની સાથે લડાઈ છે મીરાં.
.
એક મીરાંની ઉછળતી જે નદી,
શ્યામના દરિયે સમાઈ છે મીરાં.
.
ફાટશે ‘બેન્યાઝ’ ક્યાંથી એ મલીર,
ભક્તિની પાકી સિલાઈ છે મીરાં.
.
( બેન્યાઝ ધ્રોલવી )