કદી અણસારમાં આવો, કદી આભાસમાં આવો
સુગંધીના ગુણાકારો કરીશું, શ્વાસમાં આવો.
.
તમારી દિવ્યતા આખા જગતમાં સર્વવિદિત છે,
શુકનવંતા સિતારા છો કદી આકાશમાં આવો.
.
.અમારી બેકરારી બારમાસી ફૂલ જેવી છે,
તમે છો શક્યતાઓ પુષ્પની, મધુમાસમાં આવો.
.
તમારું આવવું, ચાલ્યા જવું પડઘાય છે એમાં,
‘દિવાને-આમ’માં આવો ‘દિવાને-ખાસ’માં આવો.
.
ખબર ક્યાં કોઈને, શું છો તમે, તડાકા છો ? છાયા છો ?
કહીને ના બતવો, માત્ર ખુલ્લા ઘાસમાં આવો.
.
( કુમાર જૈમિની શાસ્ત્રી )
Sunder Rachna mani.
Sunder Rachna mani.