શ્વાસની વચ્ચે કળણ શોધું હવે;
હું મરણ પહેલાં મરણ શોધું હવે.
.
રાતમાં જે મ્હેલ છોડી નીકળે;
એ તથાગતનું વલણ શોધું હવે.
.
આ જગાનો હું રહેવાસી નથી;
કૈં અલગ વાતાવરણ શોધું હવે.
.
સૂર્ય આપો તોય એનું શું કરું ?
કોઈ ઝળહળતું સ્મરણ શોધું હવે.
.
હું ક્ષણોમાં ઊતરું ઊંડે સુધી;
ક્ષણ ન હો એવી જ ક્ષણ શોધું હવે.
.
( જાતુષ જોશી )
i love this poem..thanks.
i love this poem..thanks.
હું મરણ પહેલા મરણ શોધું હવે…
હું મરણ પહેલા મરણ શોધું હવે…