.
હરિ શબદ છે હોઠવગો,
પણ હરિ, સ્વયમ કાં દૂર ?
હરિ નિકટ આવી બોલે
જીવ, સાંભળવા આતુર
હરિ, સ્વયમ કાં દૂર ?
.
એના પુનિત પગલે પગલે
પંથ, પરિમલ પામે,
ઝંખે મન દર્શન એ દૈવી,
અખંડ રૂપ, અવિરામે.
હરિ થાય જો, આંખવગા
તો ઝળહળ ઝળહળ નૂર
પણ હરિ, સ્વયમ કાં દૂર ?
.
હેત વહે ખળખળ ઝરણે,
ને, આતમખૂણે ઓચ્છવ,
ભીતર લગે ભર્યું ભર્યું
અનુરાગ મળે, ભવેભવ,
હરિ થાય જો, હાથવગા
તો, છલકે હૈયે અપાર પૂર
પણ હરિ, સ્વયમ કાં દૂર ?
.
( નીતિન વિ. મહેતા )
Good
Good