કોઈ મારું ન થયું કોઈ સંબંધો ન તૂટ્યાં,
ડાળખી સાવ લીલી રહી અને પર્ણો ન ફૂટ્યાં.
.
કોઈ ગોફણના જાણે હોઈએ અમે પથ્થર,
ક્ષણોના હાથમાંથી રોજ એ રીતે છૂટ્યાં.
.
લો આવજો મલશું સ્મરણના મેળામાં,
એક તો દૂરનાં સગપણ અને અંજળ જ્યાં ખૂટ્યાં.
.
ખબર ન રહી કે આરપાર જઉં છું વીંધાતો,
ફૂલ આવેશમાં આવીને કેટલાં ચૂંટ્યાં?
.
ભરીને ખોળામાં એની કરચ ગણું સપનાં,
એના હાથેથી જે મિસ્કીન આયના ફૂટ્યા.
.
( રાજેશ વ્યાસ ‘મિસ્કીન’ )
કવિશ્રી’મિસ્કીન’ની વાહ…! ના ઉદગાર આપમેળે સરી પડે એવી સુંદર ગઝલ….
ડાળખી સાવ લીલી રહી અને પર્ણો ન ફૂટ્યા..-બહુ ગમ્યું આ કલ્પન.
કવિશ્રી’મિસ્કીન’ની વાહ…! ના ઉદગાર આપમેળે સરી પડે એવી સુંદર ગઝલ….
ડાળખી સાવ લીલી રહી અને પર્ણો ન ફૂટ્યા..-બહુ ગમ્યું આ કલ્પન.
સરસ ગઝલ।
સરસ ગઝલ।