ચોતરફ જળ છે કે મૃગજળ માછલી મૂંઝાય છે
કાચના ઘરમાં પળેપળ માછલી મૂંઝાય છે
.
આટલો બંધિયાર, છીછરો હોય દરિયો શી રીતે ?
સહેજ ડૂબકીમાં મળે તળ માછલી મૂંઝાય છે
.
છીપલાં, શેવાળ, પરપોટા બધું હાજરાહજૂર
ને છતાં આભાસ કેવળ માછલી મૂંઝાય છે
.
દોડતા રહેવું સતત ને પહોંચવું ના ક્યાંય પણ
આ સફર તો છે નર્યું છળ માછલી મૂંઝાય છે
.
પારદર્શક કેદની આગળ જગત કેવું હશે ?
વ્યર્થ કરવી રોજ અટકળ માછલી મૂંઝાય છે
.
( ઉર્વીશ વસાવડા )
ઉર્વીશભાઈ, આ તો બરોબર અમારા કોર્પોરેટ જગતને બંધ બેસે એવી રચના લઇ આવ્યા છો બોસ્સ!
ઉર્વીશભાઈ, આ તો બરોબર અમારા કોર્પોરેટ જગતને બંધ બેસે એવી રચના લઇ આવ્યા છો બોસ્સ!
superb…
superb…