છે અઢી અક્ષર એ અક્ષર મોકલું છું,
સાત ઊછળતા સમંદર મોકલું છું.
.
રાતભર વાગે એ જંતર મોકલું છું,
પાંપણે પોંખેલ ઝરમર મોકલું છું.
.
આપણી વચ્ચેનું અંતર મોકલું છું,
બે’ક છે પ્રશ્નો અનુત્તર મોકલું છું.
.
સેંકડો સૂરજ કમળની જેમ ઊગે,
એ જ સ્મરણોનું સરોવર મોકલું છું.
.
કોણ સમજાવી શકે તારા વિશે કૈં ?
વાટ જોતાં આંખ, ઉંબર મોકલું છું.
.
આ વળી કેવી ઊલટ મિસ્કીન મનને,
જે કંઈ સુંદર-અસુંદર મોકલું છું.
.
( રાજેશ વ્યાસ “મિસ્કીન” )
‘મિસ્કીન’ની ગઝલોમાં રદિફ અને કાફિયાનું નાવિન્ય,એ એમનું ઉડીને આંખે વળગે એવું જમા પાસું રહ્યું છે.
અભિવ્યક્તિનું ઉંડાણ તો આગવી ઓળખ છે જ….
-સરસ ગઝલ.
‘મિસ્કીન’ની ગઝલોમાં રદિફ અને કાફિયાનું નાવિન્ય,એ એમનું ઉડીને આંખે વળગે એવું જમા પાસું રહ્યું છે.
અભિવ્યક્તિનું ઉંડાણ તો આગવી ઓળખ છે જ….
-સરસ ગઝલ.
સુંદર ગઝલ..
સુંદર ગઝલ..