.
વૃક્ષ લીલું, હીંચકો ને બાળપણ તે ક્યાં ગયા ? હમણા તો અહીંયા હતા !
ધૂળવંતા રાજવી ને રાજવણ તે ક્યાં ગયા ? હમણા તો અહીંયા હતા !
.
કોઈ વેળા બાગમાં જઈ સાવ અમથું એક લીલું પાંદડું તોડી અને
ફૂલને છંછેડવાના ગાંડપણ તે ક્યાં ગયા ? હમણા તો અહીંયા હતા !
.
હું થતો માયુસ જ્યારે, થૈ જતા પંખી સહુ સૂનાં તમારા બાગમાં
નીર જેવા પારદર્શક આવરણ તે ક્યાં ગયા ? હમણા તો અહીંયા હતા !
.
સાદ સામે ઓટલેથી કોઈ દેતું, ‘કેમ દેખાતો નથી ? દિવસો થયા’
એ ટહુકો, એ રસમ, એ સાંભરણ તે ક્યાં ગયા ? હમણા તો અહીંયા હતા !
.
ના વળે અંધાર ઘેરી દીપ તેથી એક જલતો રાખવા કાજે સતત
ગામ, શેરીમાં થતા જે જાગરણ તે ક્યાં ગયા ? હમણા તો અહીંયા હતા !
.
( જગદીશ ઉપાધ્યાય )
સુંદર રચના !
સુંદર રચના !
ખુબ સરસ
જય સ્વામિનારાયણ
ખુબ સરસ
જય સ્વામિનારાયણ
ખુબ સરસ
જય સ્વામિનારાયણ
હીના જી,
ખુબજ સુંદર રચના…
હીના જી,
ખુબજ સુંદર રચના…