.
તમે આવો તો વાત કહું શ્યામ…
નીત રે ઉઠીને મને ઉંબરમાં તગતગતા
સૂરજની શૂળ એમ વાગે
મારી હથેળી તારા કેશમાં ગૂંથેલ
મોરપીંછનો પડછાયો લાગે
દર્પણની દ્વારિકામાં દર્પણને તીર
હું તો પાણીને મૂલ વહું શ્યામ…
તમે આવો તો વાત કહું શ્યામ…
.
ચંદનની સૂનમૂન સૂતી હું ડાળ
મને લૂંબ્રઝૂંબ વાયરે ઝુલાવો
શેરી તો સાવ ફૂંક વિનાનો વાંસ
તમે પંચમની ફૂંક સમું આવો
ઘરના પોલાણમાંથી વાંસળીના સૂર જેમ
વગડે વેરઈ જઉ શ્યામ…
તમે આવો તો વાત કહું શ્યામ…
.
( રમેશ પારેખ )
…જન્માષ્ટમીની શુભેચ્છાઓ…
સુંદર પ્રવાહી રચના…
આજના દિવસે માણવી વધુ ગમી…
સુંદર પ્રવાહી રચના…
આજના દિવસે માણવી વધુ ગમી…
વાહ, સુંદર રચના આજના દિવસ માટે…શ્યામ ના આવે તો વાત ના કહે તું?
વાહ, સુંદર રચના આજના દિવસ માટે…શ્યામ ના આવે તો વાત ના કહે તું?
સુંદર રચના !
જન્માષ્ટમીની આપને તેમજ આપના પરિવારને વધાઈ સાથે શુભેચ્છાઓ.
સુંદર રચના !
જન્માષ્ટમીની આપને તેમજ આપના પરિવારને વધાઈ સાથે શુભેચ્છાઓ.