પ્રેમ, દર્ભાસને બેસવા કરતાં પાથરેલા રૂમાલ પર બેસવાનું પસંદ કરે છે !
.
એ પ્રેમ જ છે, જે બે ખેતરો વચ્ચેની વાડને તોડી પાડે છે !
.
જે હાથ મેળવે છે તે સોનાની વીંટી પણ મેળવે છે !
.
પ્રેમવિહોણું જીવન એ ઋતુઓ વગરના આકાશ જેવું છે.
.
વિરહની દૂરતામાં કોઈ માઈલ સ્ટોન નથી હોતા.
.
વિરહમાં દૂરતા છે, પણ તે માપવાની કોઈ મેઝરટેપ નથી.
.
‘વિરહ’એ વર્ષામાં નજીક આવતું, ‘દૂરનું આકાશ’ છે.
.
વિરહ એ દૂર દેખાતી જ્યોતિ છે, ભયસૂચક દીવાદાંડી નથી.
.
માણસને માણસની, સહરા જેવી તરસ લાગે તે વિરહ.
.
વિરહમાં ‘વિભક્તિ’ પણ ‘સંધિ’ બની રહે છે !
.
પ્રેમ પ્રગટ થવા પહેલા સાત વાર સંતાય છે !
.
પ્રેમ ભીંતો બાંધે છે, અને બારણું પણ રાખે છે !
.
પ્રેમ મરતો નથી એટલે ‘ઈતિહાસ’ પણ બનતો નથી !
.
તમારે ફના થવું હોય તો કોઈપણ કહેવાતા આદર્શને ‘વ્યસન’ બનાવો !
.
પ્રેમ એકચિત્ર હોય છે, પછી તેનું આલ્બમ રચાવા માંડે છે.
.
પ્રેમીની સ્મૃતિમાં એક આર્ટ ગેલેરી હોય છે !
.
પ્રેમ : મોસમનાં વરસતાં વાદળાં સરોવરમાં સ્થાયી થાય છે.
.
પ્રેમ આશય નથી એટલે છુપાતો નથી.
.
એકલા પડવાના ભયથી ‘સાથી’ શોધશો તો ‘રાહદારી’ જ મળશે !
.
ધરા પર ચાલનારો પ્રેમ, આકાશનું પક્ષી પણ હોય છે !
.
( રતિલાલ ‘અનિલ’ )
waah saras rachana…thanks for sharing,,
waah saras rachana…thanks for sharing,,
saras..
saras..