બંધ સાંકળ સ્હેજ જો ખખડાવ તો સાચો કહું,
તું હૃદયના બારણા ખોલાવ તો સાચો કહું.
.
જઈ હિમાળે હાડ ગાળી નાખવા સ્હેલા જ છે,
જિંદગીના જંગમાં જો આવ તો સાચો કહું.
.
તું પરીક્ષા કાયમી લીધા કરે, દેતો ખરો,
દીપ પાણીમાં અહીં પ્રગટાવ તો સાચો કહું.
.
ચોપડીના ચાર પાનાઓ ભણાવે થાય નહિ,
અર્થ ટહુકાનો જરા સમજાવ તો સાચો કહું.
.
કોઈની પણ હા હજુરી શું કર્યા કરવી ભલા,
ના ગમે તો રોકડું પરખાવ તો સાચો કહું.
.
( ઈશિતા દવે )
superb………
superb………
superb………