બેઉ દુનિયાનું ત્યાં જ ધ્યાન હતું,
જે તરફ એમનું મકાન હતું.
.
શહેર આખામાં એ જ ચર્ચા છે,
ક્યાં હતું તીર-ક્યાં નિશાન હતું !
.
લોકના માટે સાદું વાક્ય હશે,
મારા માટે તો સંવિધાન હતું..
.
જે કરી જાણે માત્ર છબછબિયાં,
એમના હાથમાં સુકાન હતું.
.
સ્વપ્ન ઈચ્છે છે મોકળાશ અને,
આંખથી નાનું આસમાન હતું.
.
વાણીની શી હતી જરૂર ‘સાહિલ’
મૌન ખુદ બોલતું બયાન હતું.
.
( સાહિલ )
લોકોના માટે સાદું વાક્ય હશે,
મારા માટે તો સંવિધાન હતું … ક્યા બાત હૈ …બહોત ખૂબ.
લોકોના માટે સાદું વાક્ય હશે,
મારા માટે તો સંવિધાન હતું … ક્યા બાત હૈ …બહોત ખૂબ.