તું જ પકડી પાડજે નસ, મોકલું છું,
ઉડવા માંડ્યા છે રસકસ મોકલું છું.
.
આગ જે લાગી છે નસનસ મોકલું છું,
છે અટૂલું સાવ સારસ મોકલું છું.
.
પીગળે તો આંખ કૈં જોતાંય શીખે,
લક્ષ ચોરાસીનું ધુમ્મસ મોકલું છું.
.
બારણાં-બારી કઈ બાજુ મુકાવું?
અટપટી દીશા દસે-દસ મોકલું છું.
.
રાત આ ટુંકી ને આવે યાદ ઝાઝું,
આખરી શ્વાસોનું વર્ચસ મોકલું છું.
.
( રાજેશ વ્યાસ “મિસ્કીન” )
મને આ ખરેખર ગમ્યું..
“છે અટૂલું સાવ સારસ મોકલું છું…”
મને આ ખરેખર ગમ્યું..
“છે અટૂલું સાવ સારસ મોકલું છું…”