એક ખોબા જળમાં તરવું ખૂબ અઘરું કામ છે,
ખિસ્સાના ખાલીપે ફરવું ખૂબ અઘરું કામ છે.
.
ટેકરી પર સાથ તારો ના મળ્યો લીલો, અને
ઢાળથી નીચે ઊતરવું ખૂબ અઘરું કામ છે.
.
નાહીને કોરાં થવાની વાતને કોરે મૂકો,
ભીતરે ભીનાં નીતરવું ખૂબ અઘરું કામ છે.
.
છોકરીના મનની વાતો વાવના જેવી જ છે,
વાવમાં ઊંડે ઊતરવું ખૂબ અઘરું કામ છે.
.
આંખ સામે છે સરસ કાગળ, કલમ ને મેજ, પણ
અહીં ગઝલમાં આવી ઠરવું ખૂબ અઘરું કામ છે.
.
( રમેશ શાહ )
સરસ ભાવ ની સરળ ગઝલ… કવિએ સાચું જ કહ્યું,
અહીં ગઝલમાં આવી ઠરવું ખૂબ અઘરૂં કામ છે !
સરસ ભાવ ની સરળ ગઝલ… કવિએ સાચું જ કહ્યું,
અહીં ગઝલમાં આવી ઠરવું ખૂબ અઘરૂં કામ છે !
તમારી ‘અઘરા’ની વાત મને ગમી. સરસ રચના છે.
તમારી ‘અઘરા’ની વાત મને ગમી. સરસ રચના છે.