.
તપી તૂટી તણાઈ સોનું સાબિત થાય
બધી સ્થિતિ વટાવી હોવું સાબિત થાય
.
જરા ઓગળતા ઓળખ મ્હોરું સાબિત થાય
ને મ્હોરાં એકઠાં થઈ ટોળું સાબિત થાય
.
તણખલા જેવડું એક તથ્ય પણ ક્યારેક
ઘરોબો કેળવી મસમોટું સાબિત થાય
.
કદી કાપડનો અમથો ટુકડો ધારે-
-થવા વરણાગી તો, ઘરચોળું સાબિત થાય !
.
સુરીલું વાગવાની કામના લઈને –
હું નમણી ફૂંક મારું, પોલું સાબિત થાય !
.
હજારો વાહ-વાહ કહી’ને ગયાં, ને તું-
રહીને ચૂપ રસનું ધોયું સાબિત થાય !
.
એને પત્રબોમ્બની ક્યાં જાણ છે સ્હેજે ?
કબૂતર ભોળું છે, ને ભોળું સાબિત થાય !
.
પૂરા પૂર્ણત્વને પામી જવા કરતાં-
ભલેને એય અરધું-પોણું સાબિત થાય !
.
( સંજુ વાળા )
વાહ. મજા આવી ગઈ. કંઈ અનોખું લાગે છે યાર.
વાહ. મજા આવી ગઈ. કંઈ અનોખું લાગે છે યાર.
કદી કાપડનો અમથો ટુકડો ધારે –
– થવા વરણાગી તો, ઘરચોળું સાબિત થાય…વાહ.
કદી કાપડનો અમથો ટુકડો ધારે –
– થવા વરણાગી તો, ઘરચોળું સાબિત થાય…વાહ.
સરસ
સરસ