.
લ્યે,
બોલ્ય સખીરી…
જીવતર એટલે…?
હળવું-મળવું, બળવું-ઝળવું, છૂટા-પડવું,
ને હારજીતના કૂંડાળામાં,
રમત રમ્યાની સંતાકૂકડી.
કે બીજું કાંઈ…!
.
લ્યે,
બોલ્ય સખીરી…
જીવતર એટલે…?
લીલીસૂકી લાગણીયું ને પાર વગરની
પીડાઓ ને,
સાચા ખોટા સંબંધોની
અમથી અમથી ધમાચકડી.
કે બીજું કાંઈ…!
.
લ્યે,
બોલ્ય સખીરી…
જીવતર એટલે…?
તારી મારી આંગળિયુમાં દશ-દશ હારે
શમણાના આંકડિયા ભીડી,
ફરવી કાયમ ફેર ફુદરડી.
કે બીજું કાંઈ…!
.
લ્યે,
બોલ્ય સખીરી…
જીવતર એટલે…?
દરિયા જેવા આયખામાં ડૂબતાં ડૂબતાં
તરવા માટે,
બરફ પાટ કે તણખલાની,
અરથ વગરની પકડાપકડી.
કે બીજું કાંઈ…!
.
લ્યે,
બોલ્ય સખીરી…
જીવતર એટલે…?
શ્વાસ શ્વાસનો સરવાળો ને,
ગરજપણાનો ગુણાકાર ને,
મારાં તારાં ગાણાંઓની,
કાયમ રમવી અંતકડી,
કે બીજું કાંઈ…!
.
( ઈસુભાઈ ગઢવી )
સુંદર અભિવ્યક્તિ….
સુંદર અભિવ્યક્તિ….
સખીરી ના ખૂબજ સુંદર મનોભાવ રચનામાં માણવા મળ્યાં ..
સુંદર રચના !
ધન્યવાદ !
સખીરી ના ખૂબજ સુંદર મનોભાવ રચનામાં માણવા મળ્યાં ..
સુંદર રચના !
ધન્યવાદ !
Nice Description about Life
Nice Description about Life