માનવીની જાતનો ઈતિહાસ મેં જોયો નથી,
જિંદગી જોઈ નથી કે શ્વાસ મેં જોયો નથી.
.
તું મને મંદિર કે મસ્જિદને બતાવી પૂછમાં,
ત્યાં નહીં મસ્તક નમે, વિશ્વાસ મેં જોયો નથી.
.
તું કહે છે રોજ ઊગે સૂર્ય તારા શ્હેરમાં,
કોઈ પણ ચ્હેરા ઉપર અજવાસ મેં જોયો નથી.
.
સાવ ખોટી ઓળખાણો આપશો ના શેખજી,
સર્વવ્યાપી આ ખુદાને ખાસ મેં જોયો નથી.
.
માનવીને શોધવાની વાત છે તો સાંભળો,
આપણામાં છે નહીં, ચોપાસ મેં જોયો નથી.
.
( પરાજિત ડાભી/તમન્ના આઝમી )
અદભુત !
અદભુત !
સરસ ગઝલ…
અંતિમ શેર બહુજ ગમ્યો.
-અભિનંદન.
સરસ ગઝલ…
અંતિમ શેર બહુજ ગમ્યો.
-અભિનંદન.
સુંદર રચના !
સુંદર રચના !