સતત કેમ એના વિચારો કરું છું ?
અને એમ ભીતર પ્રહારો કરું છું.
.
કરું હું ખબર કેમ, એ બેખબર ને ?
હવે એક હળવો ઈશારો કરું છું.
.
કે ભ્રમણા મળે પ્રેમની તોય ઘણું છે,
પ્રણયની કથામાં વધારો કરું છું.
.
તને યાદ કરતાં વહ્યે જાય આંખો,
અને એમ સાગર હું ખારો કરું છું.
.
મને કેમ વ્યથા ઉદાસી મળી છે ?
નિયંતાને પ્રશ્નો હજારો કરું છું.
.
સતત ભીતરે ઝંખું ચાહું છતાંયે,
તમારા વગર પણ ગુજારો કરું છું.
.
તમારી પ્રતીક્ષા કરી જિંદગીભર,
હવે જિંદગીથી કિનારો કરું છું.
.
( સ્મિતા પારેખ )
સુંદર રચના !
સુંદર રચના !
I like all morpichh kavita.
I like all morpichh kavita.
સુંદર ગઝલ !
સુંદર ગઝલ !