દટાતી રાતની દીવાલ શોધું છું,
હજી અવશેષરૂપે કાલ શોધું છું.
.
વિરહમાં આથમી છે સાંજ પાછીયે-
ખરીને ક્યાં પડ્યો ગુલાલ શોધું છું.
.
ઘણા ફૂલો મને પૂછે ચમન અંદર,
ગઈ ક્યાં પાનખરની ચાલ શોધું છું.
.
ગઝલ જેવું કશું બંધાય બેસે પણ,
હૃદયમાં હું તમારા ખ્યાલ શોધું છું.
.
મનીષ વરસી પડે આંખોનું ચોમાસું-
છુપાયેલું નજરમાં વ્હાલ શોધું છું.
.
( મનીષ પરમાર )
સુંદર !
સુંદર !
વાહ મનીષભાઇ…
સરસ ગઝલ બની છે મક્તા બહુ ગમ્યો.
-અભિનંદન.
વાહ મનીષભાઇ…
સરસ ગઝલ બની છે મક્તા બહુ ગમ્યો.
-અભિનંદન.