.
સંગોપી મનમાં મીરાંએ માધવની સુગંધ છે,
મરુથલના પવન સંગ એને ક્યાં કોઈ સંબંધ છે,
પાંદડીમાં પાંગરતી પ્રીત આઠે પ્હોર અકબંધ છે.
.
આછેરા આંજ્યાં છે આંખોમાં શ્યામના ઘેન રે,
નિતનવા ફૂટ્યા છે કંઠમાં વાંસળીના વેણ રે,
શ્વાસેશ્વાસે વહ્યા જે નિશદિન એ નેહ નિર્બંધ છે,
પાંદડીમાં પાંગરતી પ્રીત આઠે પ્હોર અકબંધ છે.
.
જીરવ્યા ઝુરાપાના ઝેર ધર્યા વેશ જોગનના,
ખીલવ્યા ખાલીપાના રણમાં પ્રદેશ વૃંદાવનના,
અંકાયા રોમેરોમ સ્મરણના વિજોગી અનુબંધ છે,
પાંદડીમાં પાંગરતી પ્રીત આઠે પ્હોર અકબંધ છે.
.
( અવિનાશ પારેખ )
સુંદર રચના !
સુંદર રચના !
સુંદર રચના !