કૃપા બસ એટલી ઈશ્વર થવા દે,
તું મારા ઘરને મારું ઘર થવા દે.
.
નવો કંઈ ખેલ જાદૂગર થવા દે,
સઘન અંધકાર છૂમંતર થવા દે.
.
પવન, આ જ્યોતની ઉંમર થવા દે,
જરા અજવાસ પણ પગભર થવા દે.
.
દુવા માંગુ કે મારા કદ પ્રમાણે,
કદી તો માપસર ચાદર થવા દે.
.
બધાં સુખદુ:ખ મને મંજૂર છે પણ,
બધું સરખું ને માફકસર થવા દે.
.
ઘણી મહેનત કરી છે જિન્દગીભર,
હવે પરસેવાને અત્તર થવા દે.
.
મને પણ પૂજશે લોકો યકીનન,
મને પણ પીર કે પથ્થર થવા દે.
.
મને ડર છે કોઈ તફડાવી જાશે,
ગઝલ પર મારા હસ્તાક્ષર થવા દે.
.
ખલીલ ઈચ્છાઓ ગાંડીતૂર થઈ છે,
કઈ રીતે કોઈ સરભર થવા દે.
.
( ખલીલ ધનતેજવી )
સુંદર ગઝલ…
સુંદર ગઝલ…
હિનાબેન,
ખૂબજ ઉત્તમ અને માર્મિક ભાવ સાથે ની રચના/ ગઝલ. શેર કરવા બદલ આભાર !
હિનાબેન,
ખૂબજ ઉત્તમ અને માર્મિક ભાવ સાથે ની રચના/ ગઝલ. શેર કરવા બદલ આભાર !
સરસ છે.
સરસ છે.